Hvað er þetta ONNO?Sagan á bakvið fyrirtækið

Sagan

ONNO ehf. var stofnað árið 1996 af Þórði Magnússyni vélaverkfræðinema við Háskóla Íslands.  Árin á undan hafði hann unnið með skóla við að aðstoða arkitekta- og verkfræðistofur við að komast af stað í Autocad.  Fljótlega gerðist Rúnar Unnþórsson meðeigandi en hann og Þórður voru skólafélagar úr Verslunarskólanum og Háskóla Íslands.  Við útskrift 1997 fóru þeir báðir í fullt starf hjá ONNO ehf.

Í byrjun skiptist starfsemin í tvennt.  

Annars vegar var sala og þjónusta á hugbúnaði og vélbúnaði.  ONNO ehf. var söluaðili á Autodesk vörum (Autocad, Mechanical Desktop, 3D Studio MAX), AlphaCAM, Matrox (videoklippikort), Speed Razor (videoklippihugbúnaður).  Þessi hluti starfseminnar var settur í sér félag, CAD ehf. sem stofnað var ásamt Finni P. Fróðasyni árið 1998.

Hins vegar var teikni- og grafísk vinnsla ýmiskonar.  Þar má nefna tækniteiknun, þrívíddargrafík, vefvinnsla, vinnsla á skiltum og merkingum hverskonar, myndbandavinnsla, CD/DVD vinnsla, ofl.

Þessi hluti starfseminnar hefur verið þungamiðja starfsemi ONNO ehf. í gegnum árin.

 

Kennsla

Í gegnum tíðina höfum við hjá ONNO ehf. unnið þónokkuð við kennslu hjá Rafiðnaðarskólanum og svo Margmiðlunarskólanum.  Þórður kenndi öll námskeiðin á fyrstu önn margmiðlunarnámsins í Rafiðnaðarskólanum.  Það nám átti svo eftir að verða mjög vinsælt og upp úr því stofnar Rafiðnaðarskólinn sér skóla, Margmiðlunarskólann.  Margir starfsmenn ONNO kenndu hin ýmsu námskeið í 3D Studio MAX, Photoshop, Freehand, Flash, Dreamweaver, ofl.  Einnig náðum við að spotta þarna út marga góða framtíðarstarfsmenn ONNO.  Síðar rann Margmiðlunarskólinn inn í Iðnskólann, nú Tækniskólann.

 

Nafnið

Nafnið ONNO á sér smá sögu.  Upplaflega planið var að búa til logo sem myndi líta út eins og gömul kvikmyndasýningarvél.  O-in tvö áttu þá að vera hjólin og svo vantaði eitthvað á milli.  Ýmsir stafir voru prófaðir en þegar prufað var að setja tvö N á milli þá small þetta.  Nafnið var þá komið, ONNO.  Logoið var hins vegar ekki þróað áfram en nafnið fékk að halda sér.

Seinna kom í ljós að ONNO er mannsnafn á Benelux svæðinu og að hægt er að lesa nafnið á hvolfi.

 

Logo

Hugmyndin á bakvið logoið er pensilfar, ein snögg snerting með hnykk.  Hlynur Ásgeirsson hannaði það þegar hann vann hjá ONNO ehf.  Einhverjum fannst logoið líkjast Firefox logoinu í byrjun en hugsunin bakvið það logo er allt önnur, eldrefur sem vefur sig utanum hnött.